KOORD
 

زاخاوی مێشک

 
 


خۆشه‌ویستێک که خۆی له سوێد ده‌ژی باسی ژیانی ده‌ره‌وه‌ی وڵاتی ده‌کرد و ئه‌یوت: له شوێنی ده‌رس خوێندنی جارانم و شوێنی کاری ئێستاش، کوردی لێ نین و له‌به‌ر ئه‌وه که‌متر ئاگاداری باس و خه‌به‌ری دۆستانم.  رۆژێک سه‌ردانی دۆستێکی هاوشاریم کرد که له سه‌رده‌می پێشمه‌رگایه‌تیش به‌یه‌که بوین. له قساندا وتم:

-         
بۆ بابت بانگ ناکه‌ی بێت و ماوه‌یه‌ک لێره بێ و سوێدیش ببینێ؟
-         
وه‌الله بابم پێی ناکرێ.
-         
بۆ؟ ئیمکانی ئه‌وه‌ت نی‌یه بابت بیبینی؟
-         
به‌خوای هێندێک ده‌ڵێن ده‌کرێ بیبینمه‌وه و هێندێکێش ده‌ڵێن ناکرێ!!
-         
بۆ؟
-         
هه‌ی‌ هوو!  ئه‌وه سێ ساڵه بابم مردووه و ئێستا لێم ده‌پرسی؟!!
هه‌روه‌هائه‌یگێڕاوه: ڕۆژێک کارم به کاک ... بو که دۆستایه‌تیم ده‌گه‌ڵ خۆی و خێزانی هه‌بو و ئه‌وانێش هه‌واڵی هاوشاری و پێشمه‌رگایه‌تیم بون. تێلێفونم بۆ کرد و خێزانی جوابی دایه‌وه. دوای چاک و چۆنی وتم:

-         
کاک ... له ماڵه؟
-         
نه.
-         
له کوێیه؟
-         
نازنم.
-         
بۆ؟
-         
بۆ نه‌تبیستووه؟ ئه‌وه ساڵ و نیوێکه لێک جیا بوینه‌ته‌وه و خه‌ریکه ژن دێنێ.
دوای ماوه‌یه‌کی که‌م خۆشکم ئاگاداری کردمه‌وه که مێردی پێ ده‌کا. (خۆشیش ئه‌وه‌یه ده‌گه‌ڵ ته‌واوی ئه‌و دۆست و هه‌واڵانه، له یه‌ک شار ده‌ژیایین!!)