زاخاوی مێشک

مامۆستا هه‌ژار نوسیویه :
ده‌ڵێن والیه‌کی تورک هاته به‌غدا، ویستویه خۆی ده‌وڵه‌مه‌ند کا، بزنێکی زین و لغاو کردوه و له ژورێکی ڕاگرتوه. ناردویه تاجری شار هاتون، یه‌ک یه‌ک بردونی نیشانی داون:
-          ئه‌مه چی‌یه؟
-          قوربان بزنه.
-          ها، به که‌رم ده‌زانی؟ زین و لغاوت نه‌دیوه؟ نازانی ئێستره؟ بیگرن دوسه‌د لیره‌ی جه‌ریمه بکه‌ن!
یه‌کێ تر گوتویه: قوربان ئێستره!
-          ها، به که‌رم ده‌زانی؟ ڕیش و شاخ و گوانت نه‌دیوه؟!
هه‌روه‌ها پێدا چوه. جوله‌که‌یه‌ک هاتووه، به ده‌وری بزن- ئێستر دا سوڕاوه.
-          ها خواجه، ئه‌مه ئێستره، یان بزنه؟
-          قوربان به سه‌رت نه ئێستره، نه بزنه. به‌ڵای ڕه‌شه و خوا بۆی ناردوین!