|
ئه‌گه‌ر بته‌وێ له رۆژهه‌ڵاتی کوردستان ، کاسێتی کوردی به شێوه‌ی یاسایی بده‌یه
ده‌رێ، ده‌بێ له ئیرشاد ئیسلامی ، هۆنراوه به جیا و ئاواز به جیا
هه‌ڵسه‌نگێندرێ و ئه‌گه‌ر زانیان زه‌ره‌دی بۆ په‌ز نی‌یه، ئیزنی تۆمار کردن و
بڵاو کردنه‌وه‌ت ده‌ده‌نێ. ساڵی 92/ 93 بو له سه‌ر داوای هونه‌رمه‌ندێک،
کۆمه‌ڵێک شێعری خۆم و فۆلکلۆرم کۆ کردنه‌وه چومه ئیداره‌ی ئیرشاد.
له به‌شی
کوردی، مامۆستایه‌کی کوردی زۆر زانا و شاره‌زا له ئه‌ده‌بی فارسی و عه‌ڕه‌بی،
چاوی به شێعره کوردیه‌کان ده‌خشکاند. شێعرم ده‌رهێنان و هۆنراوه‌ی یه‌که‌مم
خوێنده‌وه:
-
نابێ
-
بۆ؟
-
"کوردستان" نابێ. ده‌توانی بڵێی نیشتمان.
( کاتێ گوێم له گۆرانیه‌کانی باکوری کوردستانیش ده‌گرت ده‌مدی ده‌ڵێن
"گوڵستان")
هۆنراوه‌ی دوهه‌م فۆلکلۆر بو:
-
نابێ.
-
ئه‌وه بۆ؟
-
نابێ ناوی ژنی تێدا بێ. ده‌توانی بڵێی "عه‌زیزم"، "یاره‌که‌م" تا بتوانێ مانای
عیرفانیشی ببێ.
(به‌و حیسابه نیوه‌ی زۆرتری گۆرانی کوردی تێدا ده‌چێ)
هۆنراوه‌ی سێهه‌میش فۆلکلۆر بو : "به تفه‌نگی بڕنه‌و بانه چۆڵ..."
-
مه‌یخوێنه‌و هه‌ر نابێ.
هۆنراوه‌ی چواره‌م: "بێری ده‌گه‌ڵ گاڕانه"
-
نابێ
-
بۆ؟
-
عه‌یبه. چۆن ده‌ڵێی "گاڕان"؟ وشه‌یه‌کی قه‌بیحه.
- منیش
به پێی زانیاری خۆم وشه‌م لێکدایه‌وه:"گاڕان له دو وشه‌ی ")گا"
و "ڕان" پێک هاتووه،
"گا" له کوردی کۆندا مانای
گه‌وره و مه‌زنی هه‌یه وه‌ک "گابه‌رد"، هه‌ر ئه‌وه‌یه که له ئینگلیسی دا
به خوا ده‌ڵێن" گات"، به ناشوکری نه‌بێ زمانه‌که‌مان هێندۆئوروپاییه. (ڕان)
وه‌کی ڕانه مه‌ر و ...
-
ئاها، ماناکه‌ی ئه‌وه‌یه. ده‌باشه قه‌بوڵه.
-
ببوره مامۆستا! "گاڕان" ت چۆن لێکدابۆوه؟
-
وه‌ڵڵاهی منیش به دو وشه‌م دانابو. وه‌مزانی ڕان، ڕانی لوس و باریکه. به‌ڵام بۆم
وه‌سه‌ر یه‌ک نه‌ده‌خرا "ئه‌و گایه له‌و ڕانه‌دا چ ده‌کا؟!!!"
|