|
مامۆستا هه‌ژار نوسیویه:
"عه‌بدکێ"، که‌ردار و نه‌خوێنده‌وار، به‌ڵام له دم به دمه‌دا زۆر زیره‌ک.
شه‌وێک له دیوه‌خان، مه‌لا عه‌بباس، که به قه‌ولی خۆی هه‌م سه‌ید، هه‌م
خه‌لیفه، هه‌م هه‌شت جار چۆته حه‌ج، مه‌لایشه، گوتی: عه‌بدکێ، تۆ نوێژ ناکه‌ی،
کافری!
-
مامۆستا ئه‌گه‌ر شاده‌و ئیمان بێنم موسوڵمانم؟
-
به‌ڵێ.
-
له به‌هه‌شت حه‌فتا حۆری جوانم ده‌ده‌نێ؟
-
به‌ڵێ، ئه‌گه‌ر نوێژ بکه‌ی.
-
خزمینه! له‌سه‌ر ده‌ستی ئێوه، جگه له شاده‌وئیمان هێنان واده‌که‌م یه‌ک نوێژم
نه‌چێ. با مامۆستا سه‌ودایه‌کم ده‌گه‌ڵ بکا : ژنێکی هه‌یه له ته‌پاڵه پیستر،
حه‌فتا حۆری خۆمی نه‌زر ده‌که‌م، ئه‌و ژنه‌یم بداتێ!!
مه‌لا به گۆچانه‌وه بۆی چو، عه‌بدکێ له په‌نجه‌ره‌‌وه ده‌رچو! ده‌یگوت:
"ئه‌ویش باوه‌ڕ نکا حۆری هه‌یه، ده‌نا کام بێ سه‌لیقه سه‌ودای وا به قازانج
ناکا؟!"
|