|
ئه‌وه‌ش ده‌رده کورده!!!
به‌ڕه‌حمه‌ت بێ دوکتور شیرازی له خوا لێخۆشبو ئیحسان نوری پاشا ئه‌م په‌نده‌ی
ئه‌گێڕاوه:" تا خانو و ده‌رکه‌و په‌نجه‌ره‌تان ساز نه‌کردووه، قه‌ت له‌سه‌ر
ڕه‌نگی دیوار و په‌نجه‌ره، مه‌یکه‌نه شه‌ڕ." ئه‌گه‌ر ئه‌م په‌نده گوێ
ڕاگیرابایه، هیچ کاتێ کورد شاهیدی شه‌ڕی برا کوژی و دوبه‌ره‌کی نه‌ده‌بو.
ده‌گێڕنه‌وه کابرایێک تفه‌نگێکی ساچمه‌ی ئه‌بێ هه‌ڵیئه‌گرێ بچێ بۆ ڕاو.
ژنه‌که‌ی لێی ئه‌پرسێ :" پیاوه‌که ئه‌وه بۆ کوێ ئه‌چی؟" ئه‌ڵێ :"ئه‌چم به‌ڵکو
که‌وێک بکوژم". ئه‌ڵێ :"ئه‌رێ وه‌لله بچۆ، که هێناته‌وه سنگه‌که‌ی بۆ من!!"
ئه‌ڵێ :" وه‌الله نایده‌م به تۆ سنگه‌که‌ی ئه‌بێ بۆ خۆم بێ. ژنه ئه‌ڵێ :"سا
وه‌الله ئه‌بێ بۆ من بێ!!. له سه‌ر ئه‌مه ئه‌بێ به شه‌ڕیان. کابرا هیچ سێ و دوی
لێ ناکا تفه‌نگێک ئه‌نێ به ژنه‌که‌یه‌وه و هه‌مو له‌شی بریندار ئه‌کا.
|